ఈ పుట అచ్చుదిద్దబడ్డది
చి. శృం. రేకు: 17-2 ముఖారి సం: 10-097
పల్లవి:
దానిసాహసము మేలు తరవాత నీవు మేలు
వూనిన యారడికి ని న్నొడి గట్టించినది
చ. 1:
రవ్వగా మే నెల్లా జీరలుగాఁ జేయించుక
మవ్వపు నాయెదుట నీవు మలసేవు
నవ్వుల కైనాను నామాఁట మీరనినిన్ను
యెవ్వతెరా నిన్ను నింతగాఁ జేసినది
చ. 2:
చిగురు నీమోవి యెల్లా చిల్లులుగాఁ జేయించుక
వెగటుగా నాయెదుట విఱ్ఱవీఁగేవు
తగవుల కైనా జివగాఁటని నిన్నుఁ దెచ్చి
జగ నీపై యింత సేసి చలి వాపెను
చ. 3:
చేవ దేర నీతురుము చిక్కువడఁ జేయించుక
శ్రీవెంకటనాథ కడుఁ జెలఁగేవు
యేవేళ నన్నుఁబాయక యెనసి వుండితినిన్ను
యీవేళఁ జెనకుచు యెమ్మెలు సేసినది
