ఈ పుట అచ్చుదిద్దబడ్డది
రేకు: 0372-5 శంకరాభరణం సంపుటం: 11-431
పల్లవి: తగ దిఁకనూ నీ వెటు సేసిన తపములు ఫలియించె
మగలవాఁడూ ప్రియములు చెప్పఁగ మంకులు లేవేఅమ్మా
చ. 1: అలుగుకువే వోచిలియా ఆతఁడు గరి గాఁడు
వలవంతల నీలోఁ బొడమినవలపులు గురి గాని
చలములు యింకా సాదించకువే జగడము పని లేదు
వెలసిన నీ మొగమోటము లుండఁగ వెనక నేరరాదు
చ. 2: తడవకువే ఆతఁడు చేసినతప్పులు గురి గావు
విడువక నీతనువునఁ బెనఁగెటివిరహము గురి గాని
చిడుముడికి యిఁక నేఁటికి నీచేతికి లో నతఁడూ
బడిబడినె నీవే అతనికిఁ బంత మియ్యఁ బడును
చ. 3: పెనగకువే శ్రీవెంకటేశ్వరు బీరము గురి గాదు
కొన మొద లెంచుక మీలోఁ గూడినకూటమి గురి గాని
వినియును వినకే సిగ్గులు వడియెడివెరగులు వని లేదూ
ననిచిన నీసెలవులలో ముసిముసి నవ్వులు దొలఁకఁగను
