పుట:తాళ్ళపాక పదసాహిత్యం - నాలుగవ భాగం.pdf/99

రేకు: 0317-03 బౌళి సం: 04-098 భగవద్గీత కీర్తనలు

పల్లవి :⁠

నీవే నీదాసులని నినుగంటిఁ గంటిని ఆవలనీవే అంతర్యామివి గాన

⁠

చ. 1:⁠

నీదాసుల శిరసులే నీదివ్యశిరసులు నీదాసులపాదములే నీదివ్యపాదములు నీదాసులకన్నులే నీదివ్యనేత్రములు నీదాసులరూపమే నీవిశ్వరూపము

⁠

చ. 2:⁠

నీకింకరులగుణాలే నీదివ్యగుణములు నీకింకరులున్నచోటే నీకు నిత్యవైకుంఠము నీకింకరుల సేవే నీవు మెచ్చునిజసేవ నీకింకరుల కూటమే నీకు సర్వాంగములు

⁠

చ. 3:⁠

యిందరిలో శ్రీవేంకటేశ నీవే పో యంటే అంది తల్లిముట్టే యుంటే నంటవచ్చునా యెందు నజ్ఞానపు ముట్టు యెడసినాత్మలుగాన నిందలేని నీదాసులే నీవని సేవింతును

⁠