ఈ పుట ఆమోదించబడ్డది
రేకు: 0301-06 లలిత సం: 04-006 కృస్ణ
పల్లవి:
ఆతఁ డితఁడా వెన్న లంతట దొంగలినాఁడు
యేతులకు మద్దులు రెండిలఁ దోసినాఁడు
చ. 1:
యీతఁడా దేవకిగన్నయింద్రనీలమాణికము
పూతకిచన్ను దాగి పొదలినాఁడు
యీతఁడా వసుదేవుని యింటిలో నిధానము
చేతనే కంసునిఁ బుట్టచెండు సేసినాఁడు
చ. 2:
మేటియైన గొంతిదేవి మేనల్లుఁ డీతఁడా
కోటికిఁ బడెగెగాను కొండ యెత్తెను
పాటించి పెంచే యశోదపాలి భాగ్య విూఁతఁడా
వాటమై గొల్లెతలను వలపించినాఁడు
చ. 3:
ముగురువేలుపులకు మూలభూతి యీతఁడా
జిగి నావులఁ బేయలఁ జేరి కాచెను
మిగుల శ్రీవేంకటాద్రిమీఁది దైవమితఁడా
తగి రామకృష్ణావతార మందె నిప్పుడు
