రేకు: 0311-06 రామక్రియ సం: 04-066 వైరాగ్య చింత
పల్లవి : |
ముందే తొలగఁవలె మోసపోక సంగమెల్ల
కందువఁ బోయిననీళ్లు కట్ట గట్టవచ్చునా
|
|
చ. 1: |
అనలముఁబొడగంటే నండనున్నమిడుతలు
పనిలేకున్నా నందుఁ బడకుండీనా
పొనిఁగి చెలులఁగంటే పురుషుల చూపులెల్లా -
ననిశము నందుమీఁద నంటఁబారకుండునా
|
|
చ. 2: |
గాలపుటెఱ్ఱలఁగంటే కమ్మి నీటిలో మీలు
జాలి నాపసలఁ జిక్కి చావకుండీనా
అలరిబంగారుగంటే నందరిమనసులూను
పోలిమి నాపసఁ జిక్కి పుంగుడు గాకుండునా
|
|
చ. 3: |
చేరి ముత్యపు ఁజిప్పల చినుకులునినిచితే
మేరతేటముత్యములై మించకుండీనా
ధారుణి శ్రీవేంకటేశుదాసులసంగతి నుంటే
పోరచి నే జీవులైనఁ బుణ్యులుగాకుందురా
|
|