ఈ పుట అచ్చుదిద్దబడ్డది
రేకు: 0౩91-06 గుజ్జరి సం: 04-531 దేవుడు-జీవుడు
పల్లవి:
ఏలికె చెప్పినపని కెదురాడేనా
నీలీల లివియని నిండుకుండే నేను
చ. 1:
నీవు నాలోనున్నాఁడవు నే నున్నాఁడ సముఖాన
కావరపుటింద్రియాలు కాకు సేసీని
దేవర నీయప్పణో తెలియనానతీ నాకు
ఆవిధమైతేనే అపరాధము లేదు
చ. 2:
జగదీశుడవు నీవు శరజాగతుఁడ నేను
జిగి గామ క్రోధాలేల చిమ్మిరేఁచీని
నగుతా నప్పగించేవో నాకది గాదన రాదు
తగునిట్లానే యైతే తప్పులేదు మాకును
చ. 3:
పుట్టించేవాఁడవు నీవు పుట్టుగులు నాసొమ్ము
చుట్టి సుఖదుఃఖా లేల సూడువట్టీని
నెట్టన శ్రీవేంకటేశ నీనటనో మంచిదాయ
యిట్టయితే మావంక నిఁక నేరమి లేదు