పుట:తాళ్ళపాక పదసాహిత్యం - నాలుగవ భాగం.pdf/53

రేకు: 0309-04 సామంతం సం: 04-052 దశావతారములు

పల్లవి :⁠

తిమ్మిరెడ్డి మాకునిచ్చె దిష్టమైనపొలము బొమ్మిరెడ్డి కప్పగించి పోదిసేసెఁ బొలము

⁠

చ. 1:⁠

నిండినట్టి మడుగుల నీరువంక పొలము కొండలు మోఁచినపెద్ద గొబ్బరపుఁబొలము అండనే పొలము రాజులుండేటి పొలము చెండివేసి మాకులెల్లా సెలగినపొలము

⁠

చ. 2:⁠

అసపడి వరదానమడిగిన పొలము బాసలతోఁ గడు నెత్రుపట్టమైనపొలము రాసికెక్కేమునులకు రచ్చైన పొలము వేసరక నాఁగేట వేగిలైన పొలము

⁠

చ. 3:⁠

మంచి గురుతైన రావిమానిచేని పొలము వంచిన గుఱ్ఱముఁ దోలే వయ్యాళి పొలము యెంచఁగ శ్రీవేంకటేశు నిరవైన పొలము పంచుకొని లోకులెల్లా బ్రదికేటి పొలము

⁠