ఈ పుట అచ్చుదిద్దబడ్డది
రేకు: 0388-03 బౌళి సం: 04-512 నృసింహ
పల్లవి:
సులభుఁడై వున్నాఁడు సుగ్రీవ నారసింహుఁడు
నెలకొన్నదాసులకు నిధానము వీఁడే
చ. 1:
తుంగభద్రా తటమున తొడపై నిందిర తోడ
సింగారించుకొన్నవేల్పుసింహము వీఁడే
సంగతిగా దేవతలు జయవెట్టి కొలువఁగా
చెంగటనే మహిమలఁ జెలరేఁగీ వీఁడే
చ. 2:
చలువ బండలమీఁద చక్కని కొండల దండ
అలరీని వీరనరహరి వీఁడె
వెలయు శంఖచక్రాల వేవేలు హస్తములతో
బలవంతుఁడై వున్నాఁడు పంతముతో వీఁడే
చ. 3:
పువ్వులతోఁటలనీడ భువనేశ్వరములోన
జవ్వనపు మనుజ కేసరి వీఁడె
ఇవ్వల శ్రీ వేంకటాద్రి నిరవై వరములిచ్చి
నవ్వుమోముతోడ భువనము లేలీ వీఁడే
