ఈ పుట అచ్చుదిద్దబడ్డది
రేకు: 0385-04 నాట సం: 04-495 నృసింహ
పల్లవి:
ఎక్కడఁ జొచ్చెదరింక రక్కసులు
చిక్కి చెడుఁడు నరసింహునిచేత
చ. 1:
వుడుగని కోపపుటుగ్రపుఁ జూపుల
మిడుగురు లెగయఁగ మిన్నంది
పిడుగుల మ్రోఁతలఁ బెళపెళ నార్చుచు
వెడలెఁ గంభమున వీరసింహుఁడు
చ. 2:
కాలాగ్ని కీలలు గక్కెడి చక్రము
కేలఁ బూని కుల గిరు లదర
భాల లోచనము ప్రకటింపుచు లయ -
కాలుఁడై వెలసెఁ గడిఁది సింహుఁడు
చ. 3:
కుటిల నఖంబుల ఘోరాకారత
తొట తొట నెత్తురు దొరుగఁగను
చటుల దానవులఁ జదుపుచు శ్రీవేం-
కటమున నిలిచె సాకారసింహుఁడు
