ఈ పుట అచ్చుదిద్దబడ్డది
రేకు: 0385-01 రామక్రియ సం: 04-492 నృసింహ
పల్లవి:
కొలువరో మొక్కరో కోరినవరము లిచ్చీ
సులభుఁ డిన్నిటా వీఁడె సుగ్రీవ నరహరి
చ. 1:
కంబములోనఁ బుట్టి కనకదైత్యునిఁ గొట్టి
అంబరపు దేవతల కభయ మిచ్చి
పంబి సిరిఁ దన తొడపైఁ బెట్టుక మాటలాడీ
అంబుజాక్షుఁ డైనట్టి యాదమ నరహరి
చ. 2:
నానా భూషణము లున్నతి తోడ నిడుకొని
పూనికతో ప్రహ్లాదుని బుజ్జగించి
మానవులకెల్లను మన్నన చాలా నొసఁగి
ఆనందముతో నున్నాడుఁ అదిగో నరహరి
చ. 3:
మిక్కిలి ప్రతాపముతో మించిన కాంతులతోడ
అక్కజపు మహిమల నలరుచును
తక్కక శ్రీ వేంకటాద్రిఁ దావుకొని వరాలిచ్చీ
చక్కఁదనముల కెల్లాఁజక్కని నరహరి
