ఈ పుట అచ్చుదిద్దబడ్డది
రేకు: 0382-05 లలిత సం: 04-480 వైరాగ్య చింత
పల్లవి:
బడిబడి నింద్రియాలే పరువులు వెట్టుఁగాని
యెడయని చుట్టరికా లెవ్వరికీ లేవు
చ. 1:
వన్నె సతుల రూపులు వారివద్దనే వుండఁగా
కన్నులఁ జూచే వారికి కళరేగును
యెన్నిక వారి గుణాలు యెడ మాటలాడఁగాను
విన్నవారికి నూరకే వేడుకలు పుట్టును
చ. 2:
అంతా నింతాఁ గమ్మవిరు లంగళ్లలో నుండఁగాను
సంత వార లూరకే వాసన గొందురు
బంతి వారి కంచాలలో పలు రుచు లుండఁగాను
వింత వారలందుకుఁగా వెస నోరూరుదురు
చ. 3:
వెరవిడి దేహాలు వేరే వేరే వుండఁగాను
సురతాన సోఁకితేనే చొక్కుదురు
ఇరవై శ్రీ వేంకటేశుఁ డిన్నిటికి సూత్రధారి
సరి నితని దాసులు జడియ రిందుకును
