ఈ పుట అచ్చుదిద్దబడ్డది
రేకు: 0380-01 బౌళి సం: 04-464 మాయ
పల్లవి:
ఎందును బోరాదీ సంసారము
కందువ నీ మాయ గడవఁగ వశమా
చ. 1:
కలిమే చిత్త వికార హేతు ఎది
అలర లేమి దైన్య హేతువు
పలు లంపటములు బంధ హేతువులు
తలఁగిన నడవదు తనుపోషణము
చ. 2:
మదవికార మిదె మహిత యౌవనము
తుద వార్ధకమే దురంతము
యిదె యర్దార్జన యాతాయాతన
అదియు మానితే నాఁకలి ఘనము
చ. 3:
యెన్ని గడియించే వెన్నిట ముంచే -
విన్నిట శ్రీ వేంకటేశ్వరుఁడ
అన్నిట నంతర్యామివి నీవే
కన్ను దనియ ననుఁ గావఁగదే
