ఈ పుట అచ్చుదిద్దబడ్డది
రేకు: 0378-05 సామంతం౦ సం: 04-457 భగవద్గీత కీర్తనలు
పల్లవి:
ఆ రూపమునకే హరి నేను మొక్కెదను
చేరి విభిషణుని శరణాగతుఁడని చేకొని సరిఁ గాచితివి
చ. 1:
ఫాలలోచనుఁడు బ్రహ్మయు నింద్రుఁడు
సోలి నగ్నియును సూర్యచంద్రులును
నీలో నుండఁగ నెరిఁ గనెఁ గిరీటి
మూల భూతి వగు మూర్తివి గాన
చ. 2:
అనంత శిరసుల ననంత పదముల-
ననంత నయనము లనంత కరముల
ఘన నీ రూపము గనుఁగొనెఁ గిరీటి
అనంత మూరితి వన్నిటఁ గాన
చ. 3:
జగము లిన్నియును సకల మున్నీంద్రులు -
నగు శ్రీ వేంకటనాథుఁడ నిన్నే
పొగడఁగఁ గిరీటి పొడగనె నీ రూపు
అగణిత మహిముఁడ వన్నిటఁగాన