ఈ పుట అచ్చుదిద్దబడ్డది
రేకు: 0374-05 బౌళి సం: 04-436 నామ సంకీర్తన
పల్లవి:
వెదకిన నిదియే వేదాంతార్థము
మొదలు తుదలు హరిమూలంబు
చ. 1:
మునుకొని అవయవములు యెన్నైనా
పనివడి శిరసే ప్రధానము
యెనలేని సురలు యెందరు గలిగిన
మునుపటి హరియే మూలంబు
చ. 2:
మోవని యింద్రియములు యెన్నైనా
భావపు మనసే ప్రధానము
యీవల మతములు యెన్ని గలిగినా
మూవురలో హరి మూలంబు
చ. 3:
యెరవగు గుణములు యెన్ని గలిగినా
పరమ జ్ఞానము ప్రధానము
యిరవుగ శ్రీ వేంకటేశ్వరు నామమే
సరవి మంత్రముల సారంబు