ఈ పుట అచ్చుదిద్దబడ్డది
రేకు: 0372-05 రామక్రియ సం: 04-426 అంత్యప్రాస
పల్లవి:
ఎంతలేదు చిత్తమా యీఁతలేల మోఁతలేల
వంతులకుఁ బారనేల వగరించనేలా
చ. 1:
దక్కనివి గోరనేల తట్టుముట్టు పడనేల
చిక్కినంతకే సంతసించరాదా
ఒక్కమాఁటే వుప్పుదిని వుపతాప మందనేల
చక్కజాడఁ దగినంతే చవిగొనరాదా
చ. 2:
పారి పారి వేఁడనేల బడలిక పడనేల
మీరి దైవమిచ్ఛినంతే మెచ్చరాదా
వీరిడై పొడవెక్కి విరుగఁబడఁగనేల
చేరి యందినంతకే చేచాఁచరాదా
చ. 3:
జీవులఁ గొలువవేల సిలుగులఁ బడనేల
శ్రీవేంకటేశుఁ డాత్మఁ జక్కివుండఁగా
దావతి పడఁగనేల దప్పులం బొరలనేల
కైవశమైనందుకే గతిగూడరాదా