ఈ పుట అచ్చుదిద్దబడ్డది
రేకు: 0371-03 లలిత సం: 04-418 శరణాగతి
పల్లవి:
హరి నీమయమే అంతాను
అరసి నీకు శరణనియెద నేను
చ. 1:
యెదుట నెవ్వరిఁక నేమాటాడిన
అది నీ ఘన నామాంకితమే
అదివో సకల శబ్దాఖ్యుఁడవని నిన్ను
పొదలి చదువులు పొగడీఁగాన
చ. 2:
యెవ్వరిఁ బొడగని యెక్కడనుండిన
నివ్వటిల్ల నది నీ రూపే
నెవ్వదీర నిదె నిను విశ్వరూపుఁ
డెవ్వల నని శ్రుతులెంచీఁ గాన
చ. 3:
భావన యిది నీ బ్రహ్మాత్మకమే
శ్రీ వేంకటేశ నాచింత యిదే
ఆవల నిను సర్వాంతర్యామెని
దేవ శాస్త్రములు తెలిపీఁ గాన
