ఈ పుట అచ్చుదిద్దబడ్డది
రేకు: 0363-05 శ్రీరాగం సం: 04-373 శరణాగతి
పల్లవి:
అది బ్రహ్మండఁ బిది పిండాండం -
బుదుటు జీవులము వున్నార మిదివో
చ. 1:
వుదయాస్తమయము లొనరినవలెనే
నిదురలు మేల్కను నియమములు
కదిసి త్రిసంధ్యాకాలంబులవలె
గుదిగొను దేహికి గుణత్రయములు
చ. 2:
పుడమి నస్యములు పొదలినవలెనే
వొడలిరోగము లున్న వివే
వుడుగని వెలుపటి వుద్యోగమువలె
కొడిసాగేటి మితి కోరికలు
చ. 3:
వెలుపలఁగల శ్రీ వేంకట విభుఁడే
కలఁ డాతుమలో ఘనుఁ డితఁడే
చలమున నీతని శరణాగతియే
ఫలమును భాగ్యము బహుసంపదలు
