ఈ పుట అచ్చుదిద్దబడ్డది
రేకు: 0363-01 మాళవి సం: 04-369 వైష్ణవ భక్తి
పల్లవి:
ఇదియే వేదాంత మిందుకంటె లేదు
యిదియే శ్రీ వేంకటేశుని మతము
చ. 1:
విరతియే లాభము విరతియే సౌఖ్యము
విరతియే పో విజ్ఞానము
విరతిచే ఘనులైరి వినకవారెల్ల
విరతిఁబొందకున్న వీడదు భవము
చ. 2:
చిత్తమే పాపము చిత్తమే పుణ్యము
చిత్తమే మోక్షసిద్దియును
చిత్తమువలెనే శ్రీ హరి నిలుచును
చిత్త శాంతి లేక చేరదు పరము
చ. 3:
యెంత చదివినా యెంత వెదికినా
యింతకంటె మరి యిఁకలేదు
యింతకంటె శ్రీ వేంకటేశుదాసులౌట
యెంతవారికైన యిదియే తెరువు
