ఈ పుట అచ్చుదిద్దబడ్డది
రేకు: 0360-04 మంగళకౌశిక సం: 04-354 శరణాగతి
పల్లవి:
భారకుఁ డతఁడే బంధువుఁ డతడే
చేరితి మతనినే చెంచెలమేలా
చ. 1:
చెనకునాయుధము చేతఁ గలిగితే
ఘననిర్భయుఁడై కడఁగీనట్ల
అనంతాయుధుఁ డాతుమనుండఁగ
వెనుకొని యెందుకు వెఱవఁగనేలా
చ. 2:
భువి నొకరాజునుఁ బొందుగఁ గొలిచిన
యివల నచ్చికం బెరఁగఁడట
భువనరక్షకుఁడె పొదిగొని యేలఁగ
వివరించి యొరుల వేఁడఁగనేలా
చ. 3:
తోవ విధానము దొరకినయప్పుడే
యేవిధములు మరి యెంచఁడట
శ్రీ వేంకటపతి చేకొని కావఁగ
భావన నితరోపాయములేలా
