ఈ పుట అచ్చుదిద్దబడ్డది
రేకు: 0353-06 సామంతం సం: 04-314 నామ సంకీర్తన
పల్లవి:
ఇన్నిటా నింతటా నిరవొకటే
వెన్నునినామమే వేదంబాయ
చ. 1:
నలినదళాక్షునినామకీర్తనము
కలిగి లోకమునఁ గలదొకటే
యిల నిదియే భజియింపఁగఁ బుణ్యులు
చెలఁగి తలఁప సంజీవని యాయ
చ. 2:
కోరిక నచ్యుత గోవిందాయని
ధీరులు దలఁపఁగఁ దెరువొకటే
ఘోరదురితహర గోవర్ధనధర
నారాయణ యని నమ్మఁగఁగలిగె
చ. 3:
తిరువేంకటగిరి దేవుని నామము
ధరఁదలపగ నాధారమిదే
గరుడధ్వజుని సుఖప్రదనామము
నరులకెల్లఁ బ్రాణము దానాయ
