ఈ పుట ఆమోదించబడ్డది
రేకు: 0304-04 లలిత సం: 04-022 శరణాగతి
పల్లవి:
ఘనుఁడాతఁడే మముఁ గాచుఁగాక హరి
అనిశము నే మిఁక నతనికె శరణు
చ. 1:
యెవ్వనినాభిని యీ బ్రహ్మాదులు
యెవ్వఁడు రక్షకుఁ డిన్నిటికి
యెవ్వనిమూలము యీ సచరాచర-
మవ్వలనివ్వల నతనికే శరణు
చ. 2:
పురుషోత్తముఁడని పొగడి రెవ్వరిని
కరి నెవ్వఁడు గక్కనఁ గాచె
ధర యెవ్వఁడెత్త దనుజులఁ బొరిగెను
అరుదుగ మే మిఁక నతనికె శరణు
చ. 3:
శ్రీపతి యెవ్వనిఁ జేరి వురమునను
భాసిల్లె నెవ్వఁడు పరమంబై
దాసుల కొరకై తగు శ్రీవేంకట
మాస చూపె నితఁ డతనికె శరణు