పుట:తాళ్ళపాక పదసాహిత్యం - నాలుగవ భాగం.pdf/222

రేకు:0338-02 వరాళి సం: 04-221 వైరాగ్య చింత

పల్లవి :⁠

ఇన్నిజన్మము లెత్తిన యిందుకా నేము పన్నిన సంసారములబంధమే మిగిలెను

⁠

చ. 1:⁠

తీరెఁ దీరె అన్నములు దినదినకోరికలు కోరఁబోతే యాసలెల్ల కోటానఁగోటి సారెఁ గొన్నరుచులెల్ల చవితో మేనిలో లేవు ఆరితేరిబతుకఁగా నాసలే మిగిలెను

⁠

చ. 2:⁠

పోయఁబోయ స్వర్గాదిభోగములు వెనకకే సేయఁబోతే పుణ్యములు సేనాసేన ఆయమంటి వెతకితే నాతుమలోనా లేవు కాయముతో వెంట వెంట కర్మమే మిగిలెను

⁠

చ. 3:⁠

అందెనందె మోక్షము హరిదాసులవల్లను ముందు వెనకెంచితేను మూలమే హరి గొందిఁ జిక్కె నరకాలు కోపముఁ బాపముఁబాసె యిందు నందు శ్రీవేంకటేశుఁడే మిగిలెను

⁠