రేకు: 0332-02 సాళంగనాట సం: 04-185 గురు వందన
| పల్లవి : |
వైష్ణవుల సొమ్ము నేను వారు నీసొమ్ములింతే
విష్ణుఁడ నీవెటైన వివరించుకోవయ్యా
|
|
| చ. 1: |
నెఱి నీబంటనా హరి నీకంటె బలువులైన-
తఱి నీదాసులకే నే దాసుఁడగాక
గుఱుతెరుఁగుదునా నేఁ గోరి యింతకతొల్లి
గుఱుతు చూపిన మాగురువునేకాక
|
|
| చ. 1: |
ముంచి నీకు మొక్కేఁగాక ముందే నీశరణులు
పెంచి పాదాలు నా నెత్తిఁబెట్టిరయ్య
పొంచి నీవేడ నేనేడ బుజముల ముద్రవెట్టి
సంచితమై సేసినట్టిసంబంధమేకాక
|
|
| చ. 1: |
శ్రీవేంకటేశ నీసేవే సేసేఁగాక నే డీ-
సేవకుఁ దెచ్చెను వారిసేవేకాదా
భావమొక్కటిగా నాకుఁ బట్టిచ్చిరి నిన్ను వారు
ఆవలీవలికిఁ బరమార్థమేకాక
|
|
