ఈ పుట అచ్చుదిద్దబడ్డది
రేకు: 0093-1 పాడి. సం: 05-368
పల్లవి:
జాజు జాజేకాక దిరశపుఁ బువ్వౌనా
నీజాడెంతయిన నీవు మానేవా
చ. 1:
సంపెంగపూవులలోన సారెకుఁ జూచిన తన-
కంపే కాక తనకాఁక మానీనా
యింపులు గొందరికి యీరసాలు గొందరికి
జంపుల నీ గుణముల జాడ మానేవా
చ. 2:
పొగడ పూవులలోన పొందుగఁ జూచిన తావి
తగుఁగాక తా మదము మానీనా
నిగిడిన నీచేఁత నీ బోంట్ల కే కాక
మగిడి నీగుణములు మంచివయ్యీనా
చ. 3:
కామించి కలువలు కన్నులనద్దుకొనిన
కామునమ్ములునేఁడు గాక మానీనా
దీమసపు వేంకటేశ తెమలని కూటముల
ఆమని మాకోరికల ఆస మానీనా
