ఈ పుట అచ్చుదిద్దబడ్డది
రేకు: 0081-4 ముఖారి సం: 05-298
పల్లవి:
కడగంటనే కెంపు గదురఁగాను
పడఁతి మురిపెపునటనఁ బాయ దేమియును
చ. 1:
మగువ ముత్తియపు గమ్మల వెన్నెలలుఁ జిన్నిఁ
నగవువెన్నెలలు నున్నతిఁ బొలయఁగాను
జగడించి విభుని విరసంబులనె సొలయఁగా
మొగముననుఁ గోపంబు మొలవదేమియును
చ. 2:
రమణికుచకుంభభారమును మొలనూళ్ళ భా-
రమును నెన్నడిమి సన్నము దెలుపఁగా
ప్రమదంపు విభునిఁ బెడఁ బాసి చెనకుచు లోని-
తమకంపు సంభ్రమము తరగదేమియును
చ. 3:
ముదిత మై సింగారములుఁ జక్కదనములును
పదివేలు విధములై పరఁగఁగాను
కదిసి వేంకటవిభుని కమ్మఁగౌఁగిటి రతులఁ
జెదరు నలకల సిరులు చెదరవేమియును