ఈ పుట అచ్చుదిద్దబడ్డది
రేకు: 0076-2 శంకరాభరణం సం: 05-266
పల్లవి:
ఇంతి భువనమోహినియైన ఫలము
కాంతునిఁ దలఁచి వగలఁ జిక్కెనిపుడు
చ. 1:
మెలుఁతకన్నులు గండుమీలైన ఫలము
తొలఁకురెప్పల నీరు దొరకె నేఁడు
లలనమై నవపుష్పలతయైన ఫలము
వలపు చెమట నీట వడిఁ దోఁగె నిపుడు
చ. 2:
మెఱుఁగారు నెరులు తుమ్మిదలైన ఫలము
నెఱిఁ దమ్మిమోముపై నెలకొన్నవి
పఱచు జక్కవలు గుబ్బలైన ఫలము
తొఱలి తాపపురవితోఁ గూడె నిపుడు
చ. 3:
పలు వన్నెమోవి బింబమైన ఫలము
చిలుక వోట్లచేత జెలువొందెను
కలికి వేంకటపతి గలసిన ఫలము
సొలసినాడనె నిత్యసుఖమబ్బె నిపుడు