ఈ పుట అచ్చుదిద్దబడ్డది
రేకు: 0072-4 నాట సం: 05-244
పల్లవి:
నల్లనిమేని నగవుఁ జూపులవాఁడు
తెల్లనికన్నుల దేవుఁడు
చ. 1:
బిరుసైన దనుజుల పీఁచమణఁచినట్టి--
తిరుపుఁగైదువతోడి దేవుఁడు
చరిఁబడ్డ జగమెల్లఁ జక్కఁజాయకుఁ దెచ్చి
తెరువు చూపినట్టి దేవుఁడు
చ. 2:
నీటఁ గలసినట్టి నిండిన చదువులు
తేటపరచినట్టి దేవుఁడు
పాటి మాలినట్టి ప్రాణుల దురితపు-
తీఁట వాపినట్టి దేవుఁడు
చ. 3:
గురుతు వెట్టఁగరాని గుణముల నెలకొన్న-
తిరువేంకటాదిపై దేవుఁడు
తిరముగ ధ్రువునికి దివ్యపదంబిచ్చి
తెరచి రాజన్నట్టి దేవుఁడు