ఈ పుట అచ్చుదిద్దబడ్డది
రేకు: 0072-2 శంకరాభరణం సం: 05-242
పల్లవి:
కొలమున మొదలనె గొల్లవారము యీ-
చలమునఁ బగ నిన్ను సాదించ నేరుతుమా
చ. 1:
బూతులఁ దిట్టుచు సొలపులఁ జూచేవు మేనిఁ
నేతులకంపుల నేము నీ కేలరా
యేతులు రేఁపుచు మమ్మునెలయించేవు యేర
మాతోనే యింతేసి నేము మాటలు నేరుతుమా
చ. 2:
కన్నుల నద్దలింపుచు గయ్యాళించేవు వోరి
నిన్ను మెప్పించఁ గలేము నేమేలరా
వెన్నలుఁ బాలునమ్మేటి వెఱ్ఱివారము యీ-
కిన్నెర మీట్ల గిలిగించఁగ నేరుతుమా
చ. 3:
చేరి నన్నుఁ బోనీనని చేయివట్టేవు యేమీ
నేరనివారము నీకు నేమేలరా
గారవపు తిరువేంకటగిరివిభుఁడ యీ
కూరిమినిట్టే నిన్నుఁ గూడఁగ నేరుతుమా
