ఈ పుట అచ్చుదిద్దబడ్డది
రేకు: 0070-2 పాడి సం: 05-230
పల్లవి:
అదిగాక సౌభాగ్యమదిగాక వలపు
అదిగాక సుఖమింక నందరికిఁ గలదా
చ. 1:
ప్రాణవల్లభునిఁ బెడఁబాసి మరుబాణములు
ప్రాణబాధల నెగులుపడుటేఁటి వలుపే
ప్రాణేశ్వరుఁడు దన్నుఁ బాయఁ జూచిన యపుడు
ప్రాణంబు మేనిలోఁ బాయంగవలదా
చ. 2:
ఒద్దికై ప్రియునితోనొడఁ గూడి యుండినపు-
డిద్దరై విహరించుటిది యేఁటివలుపు
పొద్దువోకలకుఁ దమపొలయలుకకూటముల
బుద్దిలోఁ బరవశము పొందంగవలదా
చ. 3:
చిత్తంబులోపలను శ్రీవేంకటేశ్వరుని
హత్తించి వాఁడు దానయివుండవలదా
కొత్తయిన యిటువంటి కొదలేని సంగతుల
తత్తరము మున్నాడి తగులంగవలదా
