ఈ పుట అచ్చుదిద్దబడ్డది
రేకు: 0112-4 ముఖారి సంపుటం: 07-070
పల్లవి:
ఇద్దరికీ వచ్చె దూరులేఁటికే నీకు
తిద్దుకొంటే నీవంకనే జేరుఁగదవే
చ.1:
మాటలాడే విభునితో మారువలుకక వుంటే
ఆఁటదానికెంత గర్వమనరటవే
చీటికి మాటికి నీవు సిగ్గువడేదెఱఁగరు
నీటున నాతని మీఁద నిందలెంచరా
చ.2:
నవ్వు నవ్వే పతి తోడ నగుతా నీవుండకున్న
జవ్వనమదములు రచ్చఁ బడవటే
రవ్వగా నీవు ముద్లరాలవౌట యెఱఁగరు
నివ్వటిల్ల నాతనినే నిష్యూరి యనరా
చ.3:
కలసే శ్రీ వేంకటేశు కౌఁగిటఁ గూడకుండితే
కలికితనమునకు కందు గాదటే
చెలిమి సేసి యాతని సెలవిచ్చు టెఱఁగరు
నెలవై కళలాతని నిండుకొనవా