ఈ పుట అచ్చుదిద్దబడ్డది
రేకు: 0165-6 మాళవిగౌళ సంపుటం: 07-386
పల్లవి:
ఆనతిమ్ము నాతోను అనుమానము గలితే
నేనిక్కడనుండఁగానో నేమముచూపేవు
చ.1:
ఆసపడి వచ్చివున్న అంగనఁ జేకొనకుంటే
దోసమనే మాట నీవు తొల్లి వినవా
వాసిగల బొమ్మచారివలెనే వూరకుండేవు
బాసిచ్చి వచ్చితివో యేపడఁతికైనాను
చ.2:
చుట్టుమై వచ్చినాపెకుఁ జోటియ్యకుండితేను
వట్టి నిష్టూరముగాదా వరవాతను
ముట్టుక తపముచేసే మునివలెనె వుండేవు
గుట్టుతోడనుండేనని గుణముగైకొంటివో
చ.3:
గరిమ మొక్క వచ్చిన కాంతఁ గౌఁగిలించకుంటే
యెరవెరనవై తోఁచదా యెవ్వరికైనా
దొరవై శ్రీ వేంకటేశ గురునివలెనుండేవు
సరినన్నేలితివి నాసమ్మతి గావలశో