ఈ పుట ఆమోదించబడ్డది
రేకు: 0101-1 సామంతం సంపుటం: 07-001
పల్లవి:
అతివ నీయంగములె అతను తాపపు మాటు
తతినొకటికొకటికని దైవమే సేసె
చ. 1:
నిట్టూర్పుగాలికిని నీలాహివేణికిని
నెట్టనను విరహంపునెగులేఁటికే
చుట్టుఁ గన్నీటికిని చూపుఁజాతకములవె
తొట్టి యిఁక మీఁదనవి తుదమీఱఁ గలవా
చ. 2:
చిగిరింత పులకలకు జిగిఁబలుకుఁగోవిలదె
పగటు మరుఘాతలకు వెగటేఁటికే
ఆగడుఁ దాపపురవికి నారనే రాహువదె
తెగి యిందుమీఁదనది దిష్టించఁగలదా
చ. 3:
రతి మనసు మఱపులకు రమణి నీ గోరదివొ
ప్రతిమరునియుద్దముల భ్రమతేఁటికే
యితవైన శ్రీవేంకటేశ్వరుఁడు నినుఁగూడె
చతురతల యివి నిన్ను సాధించఁగలవా