ఈ పుట అచ్చుదిద్దబడ్డది
రేకు: 0212-6 సామంతం సంపుటం: 08-072
పల్లవి:
ఇద్దరును నవ్విరిదె యెడమాటలిఁకనేల
కొద్దిమీర మనమెల్లాఁ గోరినట్టే ఆయెను
చ. 1:
సరసములాఁడగాను చవిపుట్టె వలపులు
విరసపుటలుకలు వెడజారెను
తరితీపులవల్లను తమివుట్టె మీఁద మీఁద
కెరలిన వోట్లలో కిసరులు వాసెను
చ. 2:
కందువలనుండఁగా కన్నులకు నింపులాయ
మందలించె వెనకటి మంకులుమానె
సందడించి పెనగఁగా చనవులు మితిమీరె
చిందువందులై నట్టి సిగ్గు వెడజారెను
చ. 3:
ముంచి మాటలాడఁగాను మోవులతేనె దొరకె
చంచలపుఁ గపటాల సడిదీరెను
యెంచఁగ శ్రీవేంకటేశుఁడింతియునుఁ గూడిరిదె
కొంచముదొడ్డెరఁగని కొసరులు దక్కెను