ఈ పుట అచ్చుదిద్దబడ్డది
రేకు: 0209-5 ముఖారి సంపుటం: 08-053
పల్లవి:
ఇంకనేల గుట్లు యిన్నియు బయటఁబడె
మంకులెల్లఁదీరె నిఁక మానరాదు పొందులు
చ. 1:
చేసినదెల్లా నీపైచెలి చేసినదిచేఁత
వాసినవి కొనగోరి వాఁతలు నివి
తాసువలె వలపులు తారుకాణలకువచ్చె
మూసి మంతనాలేఁటికి మోహరించె పొందులు
చ. 2:
ఆడినట్టెల్లఁ జెల్లెనంగన మాటనీతో
వేడుక నీ సొమ్మాయ నీ వినోదముల
వీడుదోడై మీనవ్వులు వెన్నెల తేటలుగాసె
యీడనేల మీసిగ్గులు యితవాయ పొందులు
చ. 3:
పట్టినదెల్లాఁ బంతము పడఁతి నీరతులలో
ముట్టినవి చన్నులు నీమొనచేతుల
యిట్టె శ్రీవేంకటేశ యిద్దరును గూడితిరి
ఱట్టుకెక్కె నిందరిలో నాఱడి మీపొందులు