ఈ పుట అచ్చుదిద్దబడ్డది
రేకు: 0240-5 కాంబోది సంపుటం: 08-239
పల్లవి:
ఇంతేసి సేసేదెల్లా నిందు కొరకా
పంతము నెరపఁబోయి భ్రమసేవు నీవును
చ. 1:
చనుఁగవ దాఁకించేవు సారెఁ బాదపువేలను
గునుకుచు నీపల్లికి గొలిచిరాఁగా
తనువెఁల్ల జెమరించి తప్పక నిన్నుఁ జూచితే
కనుఁగొనలతేటలఁ గరగేవు నీవును
చ. 2:
కుచ్చులపై నుమిసేవు కోరి నీతమ్మరసము
నెచ్చెలిచేకాళాఁజి నేఁబట్టఁగా
ముచ్చటతో సిగ్గువడి మోవ నిన్నుఁ దిట్టితే
అచ్చుమోవఁ బరవస మందేవు నీవును
చ. 3:
చెక్కు మోవినంటించేవు చేవదేరిన యాసతో
కక్కసించి నీవూడిగాలు సేయఁగా
అక్కుపై శ్రీవెంకటేశ అలమేల్మంగను నేను
గక్కననే యలసేవు కలయుచు నీవును
