ఈ పుట అచ్చుదిద్దబడ్డది
రేకు: 0231-2 రామక్రియ సంపుటం: 08-182
పల్లవి:
ఇంక నేమిసేయఁగల మింతకంటే రావయ్య
అంకెల మా యింటిలోని కాసపడ్డవారము
చ. 1:
అంగన లేమిటివారు ఆయము నీ చేనున్నది
సంగతెరిఁగి నడుపే సరవి నీది
వుంగిటిగాఁ గోపగింతు మొకమారు నవ్వుదుము
యెంగిలిమోవి బత్తేల నేలుకొన్నవారము
చ. 2:
పడఁతు లెంతటివారు భావము నీ నేర్పినది
విడువక భోగించే వేడుక నీది
చిడుముడి జంకింతుము చెక్కు లట్టెనొక్కుదుము
తొడసోఁకిన జీతాలదొమ్మిపౌఁజువారము
చ. 3:
వనిత లెందలివారు వలపు నీ వసముది
ననుపుగాఁగూడిన యీ నటన నీది
కొనగోరంటింతుము మొక్కుదుము శ్రీ వెంకటేశ
వొనరిన నీ రతుల వూడిగపువారము
