ఈ పుట అచ్చుదిద్దబడ్డది
రేకు: 0203-2 బౌళి సంపుటం: 08-014
పల్లవి:
ఏమి సేసేరో తాము యిద్దరమూనేకము
కామించి తామెంత నన్ను గరశించేరు
చ. 1:
అప్పుడు నీవును నేను నాడుకొన్న మాటలే
చెప్పుమనుచును సారెఁ జెలులనేరు
చిప్పిల సరికిబేసిఁ జెనకిన చెనకులే
చొప్పులెత్తి తమకెల్లాఁ జూపుమనేరు
చ. 2:
నంటున మనమిక్కడ నవ్వినట్టి నవ్వులే
వొంటినుండి యీడనాతోనూహించేరు
జంటలఁ జెల్లించుకొన్న సరసపు చనవులే
వెంటవెంట వచ్చి వచ్చి వెలుచుకొనేరు
చ. 3:
వాడికెనొండొరులము వలచిన వలపులే
కోడి యెరుకలు సేసికొన వచ్చేరు
యీడనె శ్రీవేంకటేశ యెనసితి మింతలోనే
వీడెమిచ్చేమని యిట్టే వేగిరించేరు
