ఈ పుట అచ్చుదిద్దబడ్డది
రేకు: 0202-6 కన్నడగౌళ సంపుటం: 08-012
పల్లవి:
ఇంకా విన వేడుకయ్యీనేమంటివి
బొంకకుమీ నాతోనాపెపొందులకేమంటివి
చ. 1:
తొయ్యలి నిన్నొకమాటు తొంగి చూచెనేమంటివి
యియ్యెడకుఁ దానె వచ్చెనేమంటివి
పయ్యద జారఁగ నిల్చె భ్రమయించ నేమంటివి
అయ్యఅసాదలు వెట్టేనందుకు నేమంటివి
చ. 2:
నవ్వుతా నిన్నుమెచ్చిన నాటకానకేమంటివి
యివ్వల నీకు మొక్కితే నేమంటివి
రవ్వగానాపె వుండిన రాజసానకేమంటివి
పవ్వళించి సొలసిన పనికినేమంటివి
చ. 3:
వెలఁది నిన్నుఁ గూడితే వేడుకతోనేమంటివి
యెలమి శ్రీవేంకటేశ యింకేమంటివి
కొలఁది మీరఁగ నన్నుఁ గూడితి వింతలోలననే
తెలిసితి నీగుట్టల్లా తిరుగనేమంటివి