ఈ పుట అచ్చుదిద్దబడ్డది
రేకు: 0034-4 కాంబోది సంపుటం: 06-133
పల్లవి:
చెలియ మోహము చూడరమ్మా
చెలియ మోహము నేఁడు చెలుల కగ్గలమాయ
చ. 1:
చిత్త మాతని మీఁద చేయి చెలియ మీఁద
కొత్తెన గమనంబు కొన వేళ్ల మీఁద
తత్తరపుఁ దాపంబు తనువల్లి మీఁద
బిత్తరపుఁ గోపంబు ప్రియ సతుల మీఁద
చ. 2:
అలపులును సొలపులును అంగజుని మీఁద
తలపంత యెడ లేక దైవంబు మీఁద
పలుకులును బంతములు ప్రాణంబు మీఁద
తెలుపులును తెగువలును దీమసము మీద
చ. 3:
ఇంపు సొంపులు వేంకటేశ్వరుని మీఁద
గుంపైన చందురులు కుచయుగము మీఁద
కెంపుఁ గనుగవచూపు గిలిగింత మీఁద
దంపతుల పరిణతులు తమకంబు మీఁద