ఈ పుట అచ్చుదిద్దబడ్డది
రేకు: 0059-5 శంకరాభరణం సంపుటం: 06-107
పల్లవి:
సిగ్గున నీవలె నేఁ జెప్పుకొనఁ గాకా
దగ్గఱి నాదేహ మంటి దాననైన నమ్మేవా
చ. 1:
పాయ లేక నన్నుఁ బాసి పట్లువెట్టు కొంటినంటా
మాయలుసేసే వదేర మాఁటిమాఁటికి
యీయెడ నేఁ బుట్టుతొ నీయెదుటనె నిలుచున్న
చాయలమాట లనక చాల నీవు నమ్మేవా
చ. 2:
పట్టలేక నన్నుఁ బాసి ప్రాణ మింతా బరవంటా
వొట్టుక నామీఁద నీవు వొలవేసేవు
గుట్టున నేవూరుపులు గుమ్మరించ నెఱుంగక
పట్టిన నాప్రాణ మిదె పైపై నున్నదిరా
చ. 3:
ఇప్పుడు ననుఁ బాసి యిదె మేను చొక్కెనంటా
వొప్పుగ నామీఁదఁదెచ్చి వొళ్లువేసేవు
కప్పరా పచ్చడము వేంకటగిరీంద్రుఁడ నాకు
నప్పుడె నీకంటెను లోనైతి నిదె చాలదా