ఈ పుట ఆమోదించబడ్డది
రేకు: 0009-02 ముఖారి సం: 01-056 అధ్యాత్మ
పల్లవి: నగుఁబాట్లఁ బడేనాజిహ్వ
పగటున నిదివో పావనమాయ
చ. 1: ఇల నిందరి నుతియించి పెంచువలె
నలినలియైనది నా జిహ్వ
నలినోదరుశ్రీనామము దలఁచిన-
ఫలమున కిదివో పావనమాయ
చ. 2: భ్రమఁబడి మాయపుపడఁతులతమ్మలు
నమలి చవులుగొనె నాజిహ్వ
అమరవంద్యుఁడగుహరి నుతియించఁగ
ప్రమదము చవిగొని పావనమాయ
చ. 3: నెలఁతలపలు యోనిద్రవనదులను
నలుగడ నీఁదెను నాజిహ్వ
అలసి వేంకటనగాధిపయనుచును
పలికినయంతనె పావనమాయ
