ఈ పుట ఆమోదించబడ్డది
రేకు: 0099-05 మలహరి సం: 01-499 శరణాగతి
పల్లవి:
ఎట్టయినా జేయుము యిఁక నీచిత్తము
కిట్టిననీ సంకీర్తనపరుఁడ
చ. 1:
కొందరు జ్ఞానులు కొందరు భక్తులు
కొందరు వైరాగ్యకోవిదులు
యిందరిలో నే నెవ్వఁడఁ గా నిదె
సందడి హరి నీశరణాగతుఁడ
చ. 2:
జపితలు గొందరు శాస్త్రులు గొందరు
ప్రపత్తిఁ గొందరు బలువులు
వుపమించఁగ ని న్నొకఁడా గా నిందు
కపురుల నీడీంగరీఁడ నేను
చ. 3:
ఆచార్యపురుషులు అవ్వలఁ గొందరు
యేచినసమయులై యేర్పడిరి
కాచేటి శ్రీవేంకటపతి నే నైతే
తాచి నీదాసులదాసుఁడను