ఈ పుట ఆమోదించబడ్డది
రేకు: 0007-03 సామంతం సం: 01-047 అధ్యాత్మ
పల్లవి: పాయని కర్మంబులె కడుబలవంతము లనినప్పుడె
కాయమునకు జీవునకునుఁ గర్తృత్వము లేదు
చ. 1: ఆతుమ కలవ్యాపకమని తలపోసినపిమ్మట
జాతియుఁ గులాభిమానముఁ జర్చింపనెరాదు
భూతవికారములన్నియుఁ బురుషోత్తముఁ డనినప్పుడు
పాతకముల పుణ్యంబులపని తనకే లేదు
చ. 2: పదిలంబుగ సర్వాత్మకభావము దలఁచినపిమ్మట
ముదమున నెవ్వరిఁ జూచినఁ మొక్కకపోరాదు
కదిసిన యిప్పటి సుఖములె కడుదుఃఖములని తెలిసిన
చెదరక సంసారమునకు జేసాఁపనెరాదు
చ. 3: పరిపూర్ణుఁడు తిరువేంకటపతియనఁగా వినినప్పుడు
యెరవుల హీనాధికములు యొగ్గులు మరి లేవు
పరమాత్ముండగు నీతని భక్తులందలఁచిన యప్పుడు
తిరముగ నీతనికంటెను దేవుఁడు మరి లేఁడు
