ఈ పుట ఆమోదించబడ్డది
రేకు: 0౦94-02 ఖైరవి సం: 01-466 శరణాగతి
పల్లవి:
మొదలుండఁ గొనలకు మోచి నీళ్ళువోయనేల
యెదలో నీవుండగా నితరములేలా
చ.1:
నిగమమార్గముననే నడచేనంటే
నిగమములెల్లను నీమహిమే
జగములోకులఁ జూచి జరగెదనంటే
జగములు నిమాయజనకములు
చ.2:
మనసెల్ల నడ్డపెట్టి మట్టున నుండేనంటే
మనసుకోరికలు నీమతకాలు
తనువు నింద్రియములు తగ గెలిచేనంటే
తనువు నింద్రియములు దైవమ నీమహిమ
చ.3:
యింతలోనిపనికిఁగా యిందు నందుఁ జొరనేల
చెంత నిండుచెరువుండ చెలమలేలా
పంతాన శ్రీవేంకటేశ పట్టి నీకే శరణంటి
సంతకూటాలధర్మపుసంగతి నాకేలా