ఈ పుట ఆమోదించబడ్డది
రేకు: 0093-౦6 బౌళి సం: 01-464 వైరాగ్య చింత
పల్లవి:
ఇందిరానాథుఁ డిన్నిటి కీతఁ డింతే
బందెలకర్మములాల పట్టుకురో మమ్మును
చ.1:
యెఱిగిసేసినవెల్లా నీతనిమహిమలే
యెఱగక చేసినది యీ తనిమాయే
తెఱఁగొప్ప రెంటికిని తెడ్డువంటివాఁడ నింతే
పఱచుఁగర్మములాల పట్టకురో మమ్మును
చ.2:
కాయములోపలివాఁడు ఘనుఁ డొక్కఁ డితఁడే
కాయ మీతనిప్రకృతికల్పిత మింతే
తోయరాక రెంటికిని తోడునీడైతి నింతే
బాయటికర్మములాల పట్టకురో మమ్మును
చ.3:
యేలినవాఁడు శ్రీవేంకటేశుఁ డితఁ డొక్కఁడింతే
యేలికసానై పెంచేది యీతనిసతే
సోలి నే వీరిఁ గొలిచేతసూత్రపుబొమ్మ నింతే
పాలుపుగర్మములాల పట్టకురో మమ్మును
