ఈ పుట ఆమోదించబడ్డది
రేకు: 0088-01 బౌళి సం: 01-429 దశావతారములు
పల్లవి:
వివేకమెఱఁగనివెఱ్ఱులముగాక నేము
దివారాత్రము నిన్నే ద్రిష్టించవలదా
చ.1:
మానివోడ నమ్మి వొక్కమనుజుఁడు వార్ధి దాఁటి
నానార్థములు గూర్చి నటించఁగాను
దానవారికృప నమ్మి తగినసంసారవార్ధి-
లోను చొచ్చి దాఁటి గెల్వ లోకులకుఁ జెల్లదా
చ.2:
జుట్టెఁడుయినుము నమ్మి సొరిది నొక్కఁడు భూమిఁ
గట్టిడిభయములెల్లఁ గడవఁగాను
నెట్టనఁ జక్రాయుధుని నిజనామ మిటు నమ్మి
తట్టి భవభయములు తరి దాఁటఁజెల్లదా
చ.3:
వేలెఁడుదీపము నమ్మి వెడఁగుఁజీఁకటిఁ బాసి
పోలిమి నొక్కనరుఁడు పొదలఁగాను
ఆలించి శ్రీవేంకటేశుఁ డాత్మలో వెలుఁగగాను
మేలి మాతనిఁ గొలిచి మెరయంగఁవలదా
