ఈ పుట ఆమోదించబడ్డది
రేకు: 0085-02 ముఖారిసం: 01-412 భక్తి
పల్లవి:
చెప్పినంతపని నేఁ జేయఁగలవాఁడ నింతే
అప్పటి నపరాధమా ఆదరించవలదా
చ.1:
నియ్యాజ్ఞ దేహము నే మోఁచితి నింతే
యియ్యెడ విజ్ఞానమేల యియ్యవయ్యా
వెయ్యవేలై వేగుదాఁక వెట్టిసేసి యలసితి
వొయయ్య కొంతైనా వూరడించవలదా
చ.2:
నీవు సేసే కర్మము నేఁ జేయువాఁడ నింతే
యీవల నానందసుఖ మియ్యవయ్యా
కోవరమై వెంటవెంటఁ గొలిచినబంట్లకు
తావులఁ గొంతవడైనా దప్పిదీర్చవలదా
చ.3:
మతిలో శ్రీవేంకటేశ మనికైనవాఁడ నింతే
తతి నాపాటుకు దయదలఁచవయ్యా
యితవై పనిసేసేటి యింటపసురమునకు
వెతదీరఁ బాలార్చి వెడ్డువెట్టఁదగదా
