ఈ పుట ఆమోదించబడ్డది
రేకు: 0౦84-03 సాళంగనాట సం; 01-407 నామ సంకీర్తన
పల్లవి:
దైవమా నీకు వెలితా తలఁపువెలీతేకాక
వేవేలుకర్మాల వేసారఁగ వలసె
చ.1:
హరి యంటే బాపేటి అన్ని పాపాలు సేసిన
పొరి నందుపై నమ్మిక పుట్టదుగాక
నరసింహ యంటే వచ్చే నానాపుణ్యాలకు
తిరముగా బుణములు దీర్చుకొనఁగలవా
చ.2:
దేవ జగన్నాథ యంటే తెగనిజన్మము లేవి
శైవశము నామనసు గాదుగాక
గోవింద యనియంటేఁ గూడని పదవు లేవి
కావిరిఁ గాల మూరకె గడుపేము నేము
చ.3:
వేదనారాయణమంటే వీడేటిబంధములు
ఆదిగా మూఁడులోకాలనైనా నున్నదా
శ్రీదేవిపతి యైన శ్రీవేంకటేశ్వరుఁడా
యేదెసా నీవే నన్ను యీడేర్తువుగాక