ఈ పుట ఆమోదించబడ్డది
రేకు: 0౦84-01 మలహరిసం; 01-405 వైష్ణవ భక్తి
పల్లవి:
వలెనను వారిదె వైష్ణవము యిది
వలపుఁ దేనెవో వైష్ణవము
చ.1:
కోరిక లుడుగుచు గుఱి నిన్నిటిపై
వైరాగ్యమెపో వైష్ణవము
సారెకుఁ గోపముఁ జలమునుఁ దనలో
వారించుటవో వైష్ణవము
చ.2:
నుడిగొను దేహపు సుఖదుఃఖములో
వడిఁ జొరనిదెపో వైష్ణవము
ముడివడి యింద్రియముల కింకరుఁడై
వడఁబడనిదెపో వైష్ణవము
చ.3:
వుదుటునఁ దన సకలొపాయంబులు
వదలుటపో నిజవైష్ణవము
యెదుటను శ్రీవేంకటేశ్వరు నామము
వదనము చేర్చుట వైష్ణవము
