ఈ పుట ఆమోదించబడ్డది
రేకు: 066-06 శుద్దవసంతం సం; 01-345 అథ్యాత్మ
పల్లవి:
ఏమి వొరలేరు యేమి మరలేదు
యీ మాయలంపటం బీఁదమోఁదనేకాని
చ.1:
సతులుగలమేలు దా సడిఁబొరలనేకాని
సతమైన సౌఖ్యస్వస్థానంబు లేదు
హితులు గలమేలు తా నిడుమఁబొరలనె కాని
హితవివేకము నరుల కెంతైన లేదు
చ.2:
తనువు లెత్తినమేలు తగులాయమేకాని
కనుఁగొనఁగ యోగభోగము గొంత లేదు
ఘనము గలమేలు తా గర్వాంధమేకాని
ఘనుఁడైన శ్రీనాథుఁ గనుగొనగ లేదు
చ.3:
చింతగలిగిన మేలు చివుకఁబట్టనెకాని
చింత వేంకటవిభునిఁ జింతించ లేదు
సంతు గలిగిన మేలు సంసారమే కాని
సంతతముఁ జెడని సద్గతిఁ జేర లేదు
